الساعه سبع و3 دقليق ويني انا ؟
انا على طريق الملك فهد اللي ودي على القرين ومن بعدها الاحمدي وفحيحيل ليش ؟
عندي امتحان في شركة النفط
الجو عجيييييب حده مو مال امتحانات حده مال تمشي وخاصة ذاك الصوب اقصد صوب الاحمدي وفحيحيل والممتع انه الطريج حده سالك ماكو زحمه ولا اشارات وتقاطعات اتلوع جبد الواحد يعني قاعده امشي تكه تكه ومو خايفه اتاخر ومشغله اغنية فيروز اللي فعلن يت على الوضع (سالتك حبيبي لوين رايحين ) والله وقاعده امشي ابهلجو الجميل مع هالصوت الجميل جان اتذكر في هاللحظات اكويت الاربعينات وحتى الخمسينات واتذكرت القصه اللى امي دايما اتقصلي ايها عن يدي و ربعه من ريايل الفريج اللي كانو يشتغولون في شركة النفط ذيك السنين واشلون كانو ينطرون اللوري اللي اي ياخذهم من بعد صلاة الفير في البرد السحتني ويركبون هالوري علشان يروحون يشتغلون كعمال عند الانجليز لاو كل هذا على 5 روبيات في اليوم بس ,طبعا هذا كان وايد احسن لهم مساكين من البحر والغوص اللي خيليهم يغيبون عن اهلهم بالاشهر ما يدرون اردون ولا لا وتذكرت احنه يا احفادهم اشكثر مدلعين وشكثر بطرانين وما يعجبنه شي وكله متذمرين بس ما اقول الا اللهم اعوذ بك من نفس ما تشبع مع كل اللي عندنا من خيرات واشياء وهم نتذمر
فعلا الله يرحمهم وقمد روحهوم الينه ويحفظنا ويحفظ ديرتنا
2 comments:
Woooow nice pic's u know that one of them is fo2aad elghanim :)
any ways ... ana amooot 3ala shai esma fairooz ashwa 6ala3t mo bs ana el3aiooza he he he :P
hi there :)
sorry for the delay :)
anyways, i think u r right, we almost never appreciate what we have, until sadly we loose it :( knowing that u took a little time to appreciate the weather and the "free from traffic" road is absolutely great!! noticing the little marginalized things in life is a bless dear :) keep doing that ;D
Post a Comment